„O magnum mysterium“ – Jólatónleikar Mótettukórs Hallgrímskirkju, 9. og 10. desember 2017

8 nóv Engar athugasemdir Mótettukór Hallgrímskirkju Fréttir

Hinir árlegu jólatónleikar Mótettukórs Hallgrímskirkju verða einstaklega hátíðlegir í ár en yfirskrift tónleikanna er „O magnum mysterium“ eða „Hið mikla undur“. Efnisskráin endurspeglar þetta hjartnæma viðfangsefni og má þar finna hugljúfa blöndu af klassískum jólalögum eftir Adam, Eccard, o.fl., gleðilegum endurreisnarverkum eftir Victoria og Sweelinck og yndisfögrum kórverkum frá 20. öld eftir Lauridsen, Poulenc, Whitacre o.fl.

Sérstakur gestur að þessu sinni verður Elmar Gilbertsson, tenór. Elmar er einn virtasti og vinsælasti söngvari sígildrar tónlistar á Íslandi í dag og hefur hlotið margvísleg verðlaun fyrir frammistöðu sína m.a. tvisvar verið valinn söngvari ársins á Íslensku tónlistarverðlaununum. Nú síðast árið 2016 fyrir hlutverk sitt í Don Giovanni og einnig árið 2014 fyrir hlutverk Daða Halldórssonar í óperunni Ragnheiði og hlaut hann líka Grímuverðlaunin það árið. Hann hefur oft komið fram í Hallgrímskirkju með Mótettukórnum einkum í barokkuppfærslum, seinast í sumar við flutning á Messu í h-moll eftir J. S. Bach.

Björn Steinar Sólbergsson leikur á orgel. Hörður Áskelsson stjórnar.

Miðaverð: 5900 kr. Miðasala er í Hallgrímskirkju (S: 510 1000) og á midi.is.

9. og 10. desember kl. 17.

 

Hallgrímskirkja Motet Choir Christmas Concert

Solist: Elmar Gilbertsson

December 9th at 5pm in Hallgrímskirkja

December 10th at 5pm in Hallgrímskirkja

The annual Christmas Concert of the Hallgrímskirkja Motet Choir will be a festive affair as usual. The title of the Concert this year is „O magnum mysterium“ or „The great wonder“. The theme resonates in this years program which includes a wonderful mixture of traditional, renessaince and 20th Century Christmas music by composers such as Adam, Eccard, Victoria, Sweelinck, Lauridsen, Whitacre and Poulenc. A special guest this year will be tenor singer Elmar Gilbertsson. He is among the most renowned and popular current classical singers in Iceland. He has received numerous awards, for example he has twice won the Icelandic Music Award for Best classical singer – including last year for his performance in Don Giovanni. He has performed numerous times with the Motet Choir in Hallgrímskirkja, including this summer during the performance of J. S. Bach‘s Mass in B-minor.

 

Björn Steinar Sólbergsson plays the organ. Director is Hörður Áskelsson.

Admisson: 5900 ISK. Tickets can be bought at Hallgrímskirkja (Tel: +354 510 1000) and midi.is.