Jólatónleikar Mótettukórsins – 2. og 4. desember 2018

29 okt Engar athugasemdir tfadmin Á döfinni, Fréttir

Forsöluverð til 15. nóvember: 4.900kr. Fullt verð er 5.900kr.

Mótettukór Hallgrímskirkju hefur um árabil glatt Íslendinga á jólum og skipa jólatónleikar kórsins veglegan sess í tónleikahaldi Reykjavíkur á aðventunni.

Á tónleikunum í ár býður kórinn að vanda upp hátíðlega efnisskrá þar sem heyra má margar klassískar jólaperlur í bland við mótettur sem ekki hafa heyrst áður á jólatónleikum kórsins. Á meðal höfunda eru Bach, Scarlatti, Sviridov, Gjelo, Bára Grímsdóttir, Hreiðar Ingi og Sigurður Sævarsson. Tónleikagestir fá að taka undir í nokkrum þekktum jólasálmum með kórnum og Klaisorgeli Hallgrímskirkju.  Með kórnum leika Auður Hafsteinsdóttur fiðluleikari og Björn Steinar Sólbergsson orgelleikari. Stjórnandi er Hörður Áskelsson.

Haldnir verða tvennir tónleikar í Hallgrímskirkju, sunnudaginn 2. desember kl 17 og þriðjudaginn 4. desember kl 20. Afsláttarmiða fyrir eldri borgara,  námsmenn og börn má nálgast í Hallgrímskirkju.

Kaupa miða hér.